தகவல் தொடர்பாடல் தொழினுட்பவியல்

தொழிநுட்பப் பிரிவு (Technology)

க.பொ.த.உயர்தரத்தில் 2013ஆம் ஆண்டு தொடக்கம் தொழினுட்பப்பிரிவு எனும் புதிய பாடநெறி (stream) அறிமுகப்படுத்தப்பட்டது. எதிர்காலத்தில் அதிகளவு வாய்ப்புக்களை அள்ளித்தரக்கூடிய இப்பாடத்துறையை மாணவர் தெரிவு செய்வதன்மூலம் பல்கலைக்கழகத்தில் பல்வேறு தொழிநுட்பப் பாடத்துறைகளைத் தெரிவு செய்யக் கூடியதாய் உள்ளது. இப்பாடத்துறைத் தெரிவு பற்றி:

இப்பாடத்துறையைத் தெரிவு செய்யும் மாணவர்கள் க.பொ.த. சாதாரணதரத்தில்  கணிதம் மற்றும் விஞ்ஞானப் பாடங்களில் கட்டாயமாக சித்தியடைந்திருத்தல் வேண்டும்.

இது தொடர்பான பாடச் சேர்மானங்கள்:

பின்வரும் தொகுதிகளுக்கமைய 3 பாடங்களைக் கட்டாயமாகத் தெரிவு செய்ய வேண்டும்.

1. தொழினுட்பவியலுக்கான விஞ்ஞானம் (Science for Technology) (கட்டாயம்)
2. பின்வரும் இரு பாடங்களில் ஒன்றைத் தெரிவு செய்ய வேண்டும்.

• பொறியியற் தொழிநுட்பவியல்(Engineering Technology)
• உயித்தொகுதி தொழினுட்பவியல்(Bio Technology)

    3. மூன்றாம் பாடமாக பின்வரும் பாடங்களில் ஒன்றைத் தெரிவு செய்ய வேண்டும்

• பொருளியல்
• விவசாய விஞ்ஞானம்
• தகவல் தொடர்பாடல் தொழினுட்பவியல்
• புவியியல்
• மனைப் பொருளியல்
• வணிகக்கல்வி
• கணக்கீடு
• தொடர்பாடலும் ஊடகக் கற்கையும்
• சித்திரம்
• ஆங்கிலம்